بنوں کے علاقے ٹاؤن شپ میں فائرنگ کے افسوسناک واقعے میں تین افراد جاں بحق جبکہ ایک شخص زخمی ہو گیا۔
پولیس کے مطابق جاں بحق ہونے والوں میں ایک مرد اور دو خواتین شامل ہیں۔ مقتولین کی لاشوں اور زخمی شخص کو فوری طور پر ڈی ایچ کیو اسپتال بنوں منتقل کر دیا گیا۔
ابتدائی تفتیش کے مطابق واقعہ گھریلو تنازعے کا شاخسانہ معلوم ہوتا ہے، تاہم پولیس نے واقعے کی مکمل تحقیقات شروع کر دی ہیں۔
پولیس حکام کا کہنا ہے کہ واقعے کے تمام پہلوؤں کا جائزہ لے کر ذمہ دار عناصر کے خلاف قانونی کارروائی عمل میں لائی جائے گی۔
