کراچی: شہر قائد کے علاقے کلفٹن بلاک 2 میں واٹر ٹینکر کی ٹکر سے موٹرسائیکل سوار شخص جاں بحق ہو گیا۔
چھیپا کے ترجمان کے مطابق حادثہ اس وقت پیش آیا جب تیز رفتار واٹر ٹینکر نے موٹرسائیکل کو ٹکر ماری، جس کے نتیجے میں سوار موقع پر ہی دم توڑ گیا۔
جاں بحق ہونے والے شخص کی شناخت 30 سالہ حافظ الرحمان کے نام سے کی گئی ہے، جس کی لاش کو جناح اسپتال منتقل کر دیا گیا۔
پولیس نے واقعے کی تحقیقات شروع کر دی ہیں اور واٹر ٹینکر کے ڈرائیور کی تلاش جاری ہے۔
