بٹگرام— بٹگرام کی یونین کونسل شملائی میں آسمانی بجلی گرنے اور اچانک سیلابی ریلے کے باعث کم از کم 10 افراد جاں بحق جبکہ درجنوں لاپتہ ہوگئے۔
مقامی ذرائع کے مطابق 6 سے 8 مکانات تباہ ہوگئے اور تقریباً 30 سے 40 افراد کو سیلابی پانی بہا لے گیا۔ ریسکیو ٹیمیں موقع پر پہنچ چکی ہیں تاہم دشوار گزار علاقہ امدادی کارروائیوں میں بڑی رکاوٹ بن رہا ہے۔
حکام نے بتایا کہ ابتدائی تلاش کے دوران 6 لاشیں ملی تھیں جبکہ بعد میں مزید لاشیں برآمد ہوئیں۔ لاپتہ افراد کی تلاش جاری ہے۔
علاقہ مکینوں نے حکومت سے فوری ریسکیو اور امدادی کارروائیوں کی اپیل کی ہے تاکہ مزید جانی نقصان سے بچا جا سکے۔
