خانیوال: تھانہ سٹی میاں چنوں پولیس نے اندھے قتل کا سراغ لگا کر مقتول کے سوتیلے بیٹے کو گرفتار کرلیا۔
پولیس کے مطابق ملزم حنظلہ شاہد نے اپنے سوتیلے والد طاہر طیب کو بیٹ کے وار سے قتل کیا۔ تحقیقات میں انکشاف ہوا کہ مقتول نے دو سال قبل ملزم کی والدہ سے شادی کی تھی جس پر ملزم کو شدید رنج تھا۔ اسی رنجش کے باعث موقع ملنے پر اس نے اپنے سوتیلے والد کو موت کے گھاٹ اتار دیا۔
قتل کا مقدمہ مقتول طاہر طیب کے بھائی ادریس کی مدعیت میں تھانہ سٹی میاں چنوں میں درج کیا گیا تھا۔ پولیس نے جدید تفتیشی طریقہ کار کے ذریعے کیس کو ٹریس کیا اور ملزم کو گرفتار کر کے اس سے جرم کا اعتراف بھی کروا لیا۔
پولیس حکام کا کہنا ہے کہ تمام قانونی تقاضے مکمل کرتے ہوئے ملزم کو قانون کے مطابق سزا دلوائی جائے گی۔
