کراچی: کورنگی زمان ٹاؤن میں ایک اسٹیٹ ایجنسی میں جھگڑے کے دوران فائرنگ کے نتیجے میں دو افراد جاں بحق اور ایک زخمی ہوگیا۔
ایس ایس پی کورنگی طارق نواز کے مطابق واقعہ سیکٹر 51-سی میں اسٹیٹ ایجنسی کے اندر پیش آیا، جہاں تلخ کلامی کے بعد جھگڑا شدت اختیار کرگیا اور فائرنگ سے تین افراد زخمی ہوئے۔ زخمیوں کو اسپتال منتقل کیا گیا تاہم دو افراد زخموں کی تاب نہ لاتے ہوئے دم توڑ گئے۔
پولیس کے مطابق دونوں لاشوں کو قانونی کارروائی کے لیے جناح اسپتال منتقل کردیا گیا ہے جبکہ واقعے کی وجوہات جاننے کے لیے تفتیش جاری ہے۔
وزیر داخلہ سندھ نے واقعے کا نوٹس لیتے ہوئے ایس ایس پی کورنگی سے تفصیلی رپورٹ طلب کرلی۔ انہوں نے ہدایت دی کہ تفتیشی عمل تیز کیا جائے اور ملوث افراد کو جلد گرفتار کرکے قانون کے کٹہرے میں لایا جائے
