کراچی میں سرد اور خشک ہواؤں نے زور پکڑ لیا ہے، شہری صبح اور رات کے اوقات میں خنکی محسوس کر رہے ہیں، اور موسم سرما کی آمد کے آثار واضح ہو گئے ہیں۔
کراچی میں موسم نے نمایاں طور پر کروٹ بدل لی ہے، جہاں خنک اور خشک ہواؤں نے درجہ حرارت میں واضح کمی پیدا کر دی ہے۔ محکمہ موسمیات کے مطابق شہر میں دن کے اوقات میں درجہ حرارت 30 سے 32 ڈگری سینٹی گریڈ تک رہنے کا امکان ہے، جبکہ رات کے وقت یہ 14 سے 17 ڈگری سینٹی گریڈ تک گر سکتا ہے۔
محکمہ موسمیات کا کہنا ہے کہ یہ تبدیلی بلوچستان کی شمال مشرقی سمت سے چلنے والی خشک ہواؤں کے باعث ہوئی ہے، جو آئندہ چند روز تک کراچی کے موسم پر اثرانداز رہیں گی۔
شہر میں صبح اور رات کے اوقات میں خنکی بڑھنے لگی ہے، اور شہریوں کو ہلکی گرم کپڑوں کے استعمال کا مشورہ دیا گیا ہے۔ ماہرین کے مطابق آئندہ دنوں میں موسم مزید خشک اور قدرے دھندلا رہنے کا امکان ہے، جبکہ بارش کا کوئی فوری امکان نہیں۔
محکمہ موسمیات کے حکام کا کہنا ہے کہ یہ صورتِ حال کراچی میں ہلکی سردیوں کے آغاز کی نشاندہی کرتی ہے، جو رواں ماہ کے اختتام تک مزید واضح ہو
