ایک نئی وسیع تحقیق میں انکشاف کیا گیا ہے کہ جو افراد باقاعدگی سے فرنچ فرائز کھاتے ہیں، ان میں ٹائپ 2 ذیابیطس ہونے کا خطرہ تقریباً 20 فیصد تک بڑھ سکتا ہے۔
محققین کے مطابق یہ خطرہ صرف آلو کی وجہ سے نہیں بلکہ زیادہ تر ڈیپ فرائی (گہرے تیل میں تلنے) کے عمل سے پیدا ہوتا ہے، جس سے کھانے میں غیر صحت بخش چکنائی، کیلوریز اور نقصان دہ مرکبات بڑھ جاتے ہیں۔
تحقیق میں یہ بھی بتایا گیا ہے کہ اگر فرنچ فرائز کی جگہ ابالے ہوئے، بیک کیے ہوئے یا بھاپ میں پکے آلو استعمال کیے جائیں تو ذیابیطس کا خطرہ نمایاں حد تک کم ہو سکتا ہے۔
ماہرین صحت نے خبردار کیا ہے کہ تلی ہوئی غذاؤں کا مسلسل استعمال جسم میں انسولین کی حساسیت کم کر سکتا ہے، جو وقت کے ساتھ ذیابیطس اور دیگر میٹابولک بیماریوں کا باعث بنتا ہے۔
محققین نے عوام کو مشورہ دیا ہے کہ روزمرہ خوراک میں تلی ہوئی اشیاء کم کریں اور صحت مند کھانے کے طریقے اپنائیں۔
