قلات: بلوچستان کے ضلع قلات میں نامعلوم مسلح افراد کی فائرنگ سے قبائلی رہنما سمیت چار افراد جاں بحق ہوگئے۔
پولیس کے مطابق واقعہ تحصیل خالق آباد کے علاقے سربند میں پیش آیا، جہاں نامعلوم حملہ آوروں نے قبائلی رہنما شاکر سعداللہ لانگو کی گاڑی پر فائرنگ کی۔
پولیس نے بتایا کہ جاں بحق ہونے والوں میں شاکر خیراللہ لانگو، محمد کریم اور محمد ظاہر بھی شامل ہیں۔
واقعے کے بعد لیویز فورس نے علاقے کو گھیرے میں لے کر تحقیقات کا آغاز کردیا ہے۔
واضح رہے کہ اس سے ایک روز قبل قلات کے علاقے منگچر میں دو گروہوں کے درمیان فائرنگ کے تبادلے میں تین افراد ہلاک اور متعدد زخمی ہوئے تھے۔ زخمیوں کو اسپتال منتقل کردیا گیا ہے جبکہ ملزمان کی تلاش کے لیے کارروائی جاری ہے۔
