راولپنڈی: زمین پر قبضے کے بعد جشن منانے کے لیے جدید خودکار ہتھیاروں سے ہوائی فائرنگ کرنے کی ویڈیو سوشل میڈیا پر وائرل ہوگئی۔
جیو نیوز کے مطابق واقعہ تھانہ دھمیال کی حدود میں چکری روڈ فاطمہ کالونی میں پیش آیا، جہاں ملزمان نے زمین پر قبضہ کرنے کے بعد ہوائی فائرنگ کی۔
وائرل ویڈیو میں 15 سے 20 افراد کو دیکھا جاسکتا ہے جو جدید خودکار اسلحے سے فائرنگ کرتے ہوئے نظر آ رہے ہیں۔
پولیس نے واقعے کا نوٹس لیتے ہوئے تحقیقات شروع کر دی ہیں تاکہ ملزمان کی شناخت اور گرفتاری عمل میں لائی جا سکے۔
