کراچی کی عدالت نے بلیک میلنگ اور نازیبا ویڈیوز سے متعلق کیس میں ملزم کی درخواست ضمانت مسترد کر دی۔
سماعت کے دوران استغاثہ نے ضمانت کی مخالفت کرتے ہوئے مؤقف اختیار کیا کہ ملزم شکایت کنندہ کو نازیبا ویڈیوز کے ذریعے ہراساں اور بلیک میل کرنے میں ملوث ہے۔
عدالت نے دلائل اور کیس ریکارڈ کا جائزہ لینے کے بعد ملزم کی درخواست ضمانت مسترد کر دی۔
مقدمہ ہراسانی، بلیک میلنگ اور نازیبا مواد کے غلط استعمال سے متعلق دفعات کے تحت درج کیا گیا تھا۔ تفتیشی حکام کے مطابق معاملے کی مزید تحقیقات جاری ہیں۔
عدالت نے قرار دیا کہ نجی ویڈیوز کے ذریعے بلیک میلنگ کے الزامات سنگین نوعیت کے ہیں، جن پر قانون کے مطابق کارروائی ضروری ہے۔ کیس کی مزید سماعت تک ملزم حراست میں رہے گا۔
