لاہور: پنجاب حکومت اور پاک فوج کے خلاف جبکہ ایک کالعدم تنظیم کے حق میں سوشل میڈیا پر پوسٹیں اپ لوڈ کرنا پولیس اہلکار کو مہنگا پڑ گیا۔ اس حوالے سے متعلقہ اہلکار کے خلاف مقدمہ درج کرلیا گیا ہے۔
ایف آئی آر کے مطابق عقیل نور کے سوشل میڈیا اکاؤنٹ سے ریاستی اداروں کے خلاف متعدد پوسٹس کی گئیں۔ ابتدائی تحقیقات میں معلوم ہوا کہ یہ اکاؤنٹ کانسٹیبل محمد عقیل نور کا ہے، جو مبینہ طور پر کافی عرصے سے اس نوعیت کی سرگرمیوں میں ملوث تھا۔
پولیس کے مطابق مذکورہ کانسٹیبل ایس ڈی پی او مسلم ٹاؤن کے دفتر میں کمپیوٹر آپریٹر کے طور پر تعینات ہے۔
کانسٹیبل عقیل نور کے خلاف تھانہ گلشنِ اقبال میں دفعہ 155-C کے تحت مقدمہ درج کرکے مزید تفتیش شروع کردی گئی ہے۔
