راولپنڈی – دھمیال کے علاقے میں رات گئے پولیس اور ملزمان کے درمیان مبینہ مقابلے میں ایک انتہائی مطلوب ملزم ہلاک ہوگیا جبکہ اس کا ساتھی موقع سے فرار ہوگیا۔
پولیس حکام کے مطابق ہلاک ہونے والا ملزم ڈکیتی، قتل اور گاڑی چوری سمیت متعدد سنگین مقدمات میں پولیس کو مطلوب تھا۔ پولیس نے جرائم پیشہ عناصر کی موجودگی کی اطلاع پر کارروائی کی تو ملزمان نے فائرنگ کردی، جس کے نتیجے میں ایک ملزم مارا گیا۔
حکام کے مطابق مذکورہ ملزم کو گزشتہ روز برآمدگی کے لیے لے جاتے ہوئے اس کے ساتھیوں نے پولیس حراست سے فرار کرا دیا تھا۔
