سٹی پولیس آفیسر (CPO) فیصل آباد صاحبزادہ بلال عمر نے کھلی کچہری کا انعقاد کیا، جس میں انہوں نے شہریوں کے مسائل سنے اور موقع پر فوری داد رسی کے احکامات جاری کیے۔
پولیس ترجمان طارق جٹ کے مطابق، سٹی پولیس آفیسر نے کہا کہ وزیر اعلیٰ پنجاب اور آئی جی پنجاب کی ہدایات پر شہریوں کو فوری انصاف کی فراہمی کے لیے کھلی کچہریوں کا سلسلہ شروع کیا گیا ہے۔
انہوں نے کہا کہ تمام درخواستوں پر منصفانہ طریقے سے کارروائی یقینی بنائی جائے گی تاکہ کسی کے ساتھ ناانصافی نہ ہو۔
انہوں نے مزید کہا کہ شہریوں کے مسائل کا فوری حل ہماری اولین ترجیح ہے”۔ اس سلسلے میں تمام ٹاؤنز میں بھی روزانہ کی بنیاد پر کھلی کچہری کے انعقاد کے احکامات جاری کیے جا چکے ہیں۔
اسی مقصد کے تحت شہر کے تمام تھانوں میں بھی کھلی کچہریوں کا انعقاد کیا جا رہا ہے تاکہ عوام کی شکایات کا بروقت ازالہ ممکن بنایا جا سکے۔
انہوں نے کہا کہ کھلی کچہریوں کا مقصد شہریوں کے مسائل کو ترجیحی بنیادوں پر حل کرنا ہے، اور شہریوں کے جان و مال کا تحفظ ہماری اولین ترجیح ہے۔
