ڈیرہ اللہ یار میں ایک ہی رات کے دوران چوروں نے وارداتوں کا سلسلہ جاری رکھتے ہوئے ایک میڈیکل اسٹور، ایزی پیسہ شاپ اور ایک کیبن کے تالے توڑ کر لاکھوں روپے نقدی اور قیمتی سامان چوری کرلیا۔
پولیس کے مطابق یہ وارداتیں ڈیرہ اللہ یار سٹی پولیس تھانے کی حدود، صحبت پور کے علاقے میں پیش آئیں، جہاں نامعلوم چور رات کی تاریکی میں تینوں دکانوں کے تالے توڑ کر واردات کے بعد فرار ہوگئے۔
واقعے کے خلاف تاجر برادری نے شدید احتجاج کرتے ہوئے قانون نافذ کرنے والے اداروں سے ملزمان کی فوری گرفتاری کا مطالبہ کیا ہے۔
پولیس نے واقعے کی مزید تحقیقات کا آغاز کر دیا ہے
