کراچی – شہر میں موٹر سائیکل چھیننے کی وارداتوں کا سلسلہ نہ رک سکا۔ نارتھ کراچی سیکٹر فائیو سی فور میں شہری کو گھر کی دہلیز پر ہی اسلحے کے زور پر 125 موٹر سائیکل سے محروم کر دیا گیا۔
واردات کی سی سی ٹی وی فوٹیج سوشل میڈیا پر وائرل ہوگئی ہے جس میں دیکھا جا سکتا ہے کہ شہری آصف جیسے ہی اپنے گھر پہنچتا ہے تو تعاقب میں آنے والے دو ملزمان اسلحہ دکھا کر چند سیکنڈز میں موٹر سائیکل چھین کر فرار ہوجاتے ہیں۔
واردات کے وقت آصف کے ہمراہ اس کے دو کمسن بیٹے بھی موٹر سائیکل پر سوار تھے۔ یہ واقعہ 23 اکتوبر کی رات پیش آیا، جس کی رپورٹ متاثرہ شہری نے خواجہ اجمیر نگری تھانے میں درج کروا دی ہے۔ شہری کی چھینی گئی موٹر سائیکل 2020 ماڈل ہونڈا 125 تھی۔
