رِنگ روڈ کو پیدل عبور کرنے والے شہری کے خلاف تھانہ ڈیفنس سی میں مقدمہ درج کرلیا گیا ہے۔
تفصیلات کے مطابق یہ مقدمہ رِنگ روڈ پولیس کے اہلکار عامر محمود کی مدعیت میں درج ہوا۔ ایف آئی آر کے متن میں بتایا گیا ہے کہ ارسلان نامی شخص نے نواز شریف انڈرپاس کے قریب رنگ روڈ کو پیدل پار کیا، حالانکہ اس مقام پر پیدل گزرنے کی اجازت نہیں۔
ایف آئی آر میں مزید الزام عائد کیا گیا ہے کہ ملزم کے اس اقدام سے ٹریفک کی روانی متاثر ہوئی اور دیگر شہریوں کی جان کو خطرہ لاحق ہوا۔
