ضلع نوشہروفیروز میں کار اور ٹریلر کے درمیان تصادم کے نتیجے میں 6 افراد جاں بحق ہو گئے، پولیس نے تصدیق کر دی۔
پولیس کے مطابق حادثہ نانگو شاہ کے قریب پیش آیا جہاں تیز رفتار کار ٹریلر سے ٹکرا گئی۔ اطلاع ملنے پر پولیس اور ریسکیو ٹیمیں فوری طور پر موقع پر پہنچ گئیں اور لاشوں کو قریبی اسپتال منتقل کیا۔ اسپتال ذرائع کے مطابق کار میں سوار تمام 6 افراد زخموں کی تاب نہ لاتے ہوئے دم توڑ گئے۔
پولیس کا کہنا ہے کہ حادثے کی وجوہات جاننے کے لیے تحقیقات جاری ہیں۔
