ضلع جھنگ کے علاقے ماڑی بلوچاں میں کمسن بہن بھائی کو اپنے والد کے مبینہ قتل کے الزام میں حراست میں لے لیا گیا ہے۔
پولیس کے مطابق دس روز قبل تھانہ کوٹ شاکر میں بیٹے کی مدعیت میں والد کے اغوا کا مقدمہ درج کیا گیا تھا۔ تاہم دورانِ تفتیش انکشاف ہوا کہ 15 سالہ لڑکے نے مبینہ طور پر اپنی 13 سالہ بہن کے ساتھ مل کر والد کو قتل کیا۔
پولیس کا کہنا ہے کہ ملزمان نے واردات کے بعد لاش کو گھر کے صحن میں دفنا دیا تھا۔ ملزمان کی نشاندہی پر گھر کی چھت سے آلۂ قتل بھی برآمد کر لیا گیا ہے۔
پولیس کے مطابق دونوں کمسن ملزمان سے مزید تفتیش جاری ہے تاکہ واقعے کے محرکات اور دیگر پہلوؤں کو واضح کیا جا سکے۔
