کراچی: کراچی کے علاقے گڈاپ میں جمعے کے روز ڈکیتی کی کوشش کے دوران فائرنگ سے سات سالہ بچہ زخمی ہوگیا۔ پولیس کے مطابق مسلح ملزمان نے بچے سے موبائل فون چھیننے کی کوشش کی، اور مزاحمت پر ڈاکوؤں نے فائرنگ کر کے اسے زخمی کر دیا۔
پولیس کا کہنا ہے کہ زخمی بچے کو فوری طور پر جناح اسپتال منتقل کیا گیا، جہاں اس کا علاج جاری ہے۔ واقعے کے بعد ملزمان کی تلاش کے لیے علاقے میں سرچ آپریشن شروع کر دیا گیا ہے۔
