وزیراعظم شہباز شریف نے گلگت بلتستان کے ضلع دیامر میں حالیہ پولیو کیس سامنے آنے پر شدید تشویش کا اظہار کیا ہے۔
اس حوالے سے وفاقی وزیر برائے قومی صحت سید مصطفیٰ کمال اور وزیراعظم کی فوکل پرسن برائے پولیو عائشہ رضا فاروق نے وزیراعظم سے ملاقات کی۔
ملاقات کے دوران وزیراعظم نے واقعے کا سختی سے نوٹس لیتے ہوئے متعلقہ حکام کو فوری اقدامات کی ہدایت کی۔ انہوں نے روٹین امیونائزیشن کے نظام کو مزید مؤثر بنانے پر زور دیا اور کہا کہ ان یونین کونسلز کی سخت نگرانی کی جائے جہاں پولیو کیسز کی شرح زیادہ ہے اور حفاظتی ٹیکوں کا عمل تسلی بخش نہیں۔
