اسلام آباد — وفاقی کابینہ نے 27ویں آئینی ترمیم کی منظوری دے دی ہے، جو حکومت کے اصلاحاتی ایجنڈے میں ایک اہم پیش رفت قرار دی جا رہی ہے۔
ذرائع کے مطابق ترمیم میں انتظامی ڈھانچے کی ازسرِنو تشکیل، وسائل کی تقسیم، اور وفاق و صوبوں کے درمیان ادارہ جاتی تعاون سے متعلق اہم تبدیلیاں شامل ہیں۔ کابینہ اجلاس میں تفصیلی غور کے بعد ترمیمی نکات کی منظوری دی گئی۔
حکومتی ذرائع کا کہنا ہے کہ اس ترمیم کا مقصد آئینی نظام کو مضبوط بنانا اور ملک میں بہتر طرزِ حکمرانی کو یقینی بنانا ہے۔ تاہم اپوزیشن جماعتوں نے اس عمل پر تحفظات کا اظہار کرتے ہوئے کہا ہے کہ حکومت کو منظوری سے قبل وسیع تر سیاسی اتفاقِ رائے پیدا کرنا چاہیے تھا۔
ترمیمی بل آئندہ چند روز میں پارلیمنٹ میں پیش کیے جانے کا امکان ہے، جہاں اسے منظور کرانے کے لیے دو تہائی اکثریت درکارہوگی۔
