کراچی— منگھوپیر کے علاقے میں افسوسناک واقعہ پیش آیا، جہاں پنکچر کی دکان پر کام کرنے والا 14 سالہ لڑکا ٹائر تبدیل کرتے ہوئے لوہے کے رنگ کے سر پر لگنے سے جاں بحق ہوگیا۔
پولیس کے مطابق واقعہ منگھوپیر تھانے کی حدود اورنگی ٹاؤن، خیرآباد بھاشانی بیکری کے قریب پیش آیا۔ کم عمر لڑکا ٹریکٹر کی پانی کی ٹینکی کا ٹائر تبدیل کر رہا تھا کہ اچانک لوہے کا رنگ نکل کر اس کے سر پر لگا جس سے وہ موقع پر ہی دم توڑ گیا۔
لاش کو ضابطے کی کارروائی کے لیے اسپتال منتقل کردیا گیا ہے جبکہ پولیس نے واقعے کی تحقیقات شروع کردی ہیں۔
