پشاور – خیبرپختونخوا کے دارالحکومت میں افسوسناک واقعہ پیش آیا جہاں ایک شخص نے فائرنگ کرکے اپنی بیوی اور دو کمسن بیٹیوں کو قتل کرنے کے بعد خودکشی کرلی۔ ابتدائی تفصیلات کے مطابق واقعہ تھانہ چمکنی کی حدود میں مسلم سٹی کے علاقے میں پیش آیا، جہاں ملزم فضل حیدر ولد شیر غنی نے اپنی بیوی اور بیٹیوں میرحا اور منتہا پر فائرنگ کی اور بعدازاں خود پر گولی چلا لی۔
پولیس اطلاع ملتے ہی موقع پر پہنچ گئی، لاشوں کو پوسٹ مارٹم کے لیے اسپتال منتقل کر دیا گیا جبکہ جائے وقوعہ سے شواہد اکٹھے کرکے تفتیش کا آغاز کردیا گیا ہے۔ پولیس نے متوفی کے بھائی شیر اکرم کی مدعیت میں مقدمہ درج کرلیا ہے، اور واقعے کے محرکات جاننے کے لیے مختلف پہلوؤں سے جامع تحقیقات جاری ہیں۔
