کراچی – اورنگی ٹاؤن راجہ تنویر کالونی میں داماد نے سسرال میں فائرنگ کرکے تین افراد کو زخمی کردیا۔ پولیس کے مطابق ملزم محمد حسین نے بیوی کے خلع لینے پر برہمی کا اظہار کرتے ہوئے سسر کے گھر میں فائرنگ کی، جس کے نتیجے میں 40 سالہ غلام دار، اس کا 14 سالہ بیٹا عدنان اور 22 سالہ بیٹی ایمان زخمی ہوگئے۔
زخمیوں کو فوری طور پر عباسی شہید اسپتال منتقل کردیا گیا جبکہ فائرنگ کے بعد ملزم موقع سے فرار ہوگیا۔ پولیس نے واقعے کی تحقیقات شروع کردی ہیں۔
