کوئٹہ کی سریاب روڈ پر منگل کی شام ہونے والے مشتبہ خودکش دھماکے میں 13 افراد جاں بحق جبکہ درجنوں زخمی ہوگئے۔ اسپتال حکام کے مطابق کئی زخمیوں کی حالت تشویشناک ہے۔
کاؤنٹر ٹیررازم ڈیپارٹمنٹ کا کہنا ہے کہ شاہوانی اسٹیڈیم کے قریب دھماکا ممکنہ طور پر خودکش تھا اور شواہد اکٹھے کیے جا رہے ہیں۔
سول اسپتال کوئٹہ کے ایم ایس ڈاکٹر ہادی کاکڑ نے ہلاکتوں کی تصدیق کرتے ہوئے بتایا کہ پانچ زخمیوں کی حالت نازک ہے۔
وزیراعلیٰ بلوچستان ثناء اللّٰہ بگٹی نے دھماکے کی شدید مذمت کرتے ہوئے اسے بزدلانہ کارروائی قرار دیا اور کہا کہ دہشتگردوں کو کیفرِ کردار تک پہنچایا جائے گا۔ انہوں نے اعلیٰ سطحی تحقیقات کا حکم بھی دے دیا۔
