کراچی: یاماھا (Yamaha) موٹرز پاکستان نے علیگڑھ انسٹیٹیوٹ آف ٹیکنالوجی (AIT) میں روزگار کے مواقع کیلئے خصوصی جاب سیشن کا انعقاد کیا، جس میں ڈی اے ای الیکٹریکل اور الیکٹرانکس کے طلبہ کی بڑی تعداد نے شرکت کی۔
کمپنی نے مختلف ٹیکنیکل پوزیشنز کے لیے انٹرویوز کیے، جن میں سولر پی وی، وی ایف ڈی سسٹم ٹیکنیشن، انڈسٹریل الیکٹریشن، الیکٹریکل انسٹرومنٹ اور پلانٹ اینڈ مینٹیننس شامل تھے۔ شیخ محمد علی (ایگزیکٹو HR)، سید فرحان الحسن (HR) اور محمد عامر (مینوفیکچرنگ انجینئرنگ مینیجر) پر مشتمل پینل نے طلبہ کی مہارت کا تفصیلی جائزہ لیا۔
متعدد مراحل کی جانچ کے بعد تین باصلاحیت طلبہ کو ملازمت کے لیے منتخب کیا گیا۔
پرنسپل AIT شاہد جمیل نے کہا کہ یاماھا موٹرز کی جانب سے اعتماد ادارے کے لیے بڑا اعزاز ہے۔ انہوں نے کہا کہ AIT ہمیشہ طلبہ کو انڈسٹری سے جوڑنے کے لیے ایسے مواقع فراہم کرتا رہے گا۔
کنوینر AIT سید محمد محسن کاظم نے شعبہ DIIL کی کوششوں کو سراہا اور کہا کہ طلبہ کی رہنمائی اور انڈسٹری لنکیجز بڑھانے میں DIIL کا کردار قابلِ تعریف ہے۔
