گولاڑچی:انتہائی افسوسناک واقعہ میں شہید فاضل راہو کی صاحبزادی اور صوبائی وزیر اسماعیل راہو کی بہن، حسینہ راہو روڈ حادثے میں جاں بحق ہو گئیں۔ یہ حادثہ گولاڑچی کے قریب کورواہ کے مقام پر پیش آیا، جہاں گاڑی کو پیش آنے والے شدید تصادم کے نتیجے میں حسینہ راہو سمیت 6 افراد زخمی ہوئے۔
عینی شاہدین کے مطابق حادثہ اس قدر خوفناک تھا کہ گاڑی بری طرح تباہ ہو گئی۔ حسینہ راہو کو تشویشناک حالت میں فوری طور پر کراچی کے آغا خان ہسپتال منتقل کیا گیا، جہاں وہ زخموں کی تاب نہ لاتے ہوئے انتقال کر گئیں۔
حسینہ راہو کی المناک موت پر سیاسی و سماجی حلقوں نے گہرے دکھ اور افسوس کا اظہار کرتے ہوئے اسے سندھ کی معروف سیاسی خاندان کے لیے ایک بڑا سانحہ قرار دیا ہے۔
