کراچی کے میئر مرتضیٰ وہاب کی ایک ویڈیو سوشل میڈیا پر تیزی سے وائرل ہو رہی ہے، جس میں وہ شہریوں کے ساتھ گھومتے، سڑکوں پر موٹر سائیکل چلاتے اور ایک عام شہری کی طرح ہوٹل میں بیٹھ کر چائے پیتے نظر آ رہے ہیں۔
یہ منظر عوام کو یہ تاثر دیتا ہے کہ میئر عوام کے درمیان رہنا چاہتے ہیں — اور ان کے ساتھ براہِ راست میل جول رکھتے ہیں۔
مگر اسی ویڈیو میں ایک قابلِ توجہ پہلو یہ بھی سامنے آیا ہے کہ میئر صاحب نے ہیلمٹ نہیں پہنا ہوا، اور ان کے ساتھ موجود کسی شخص نے بھی ہیلمٹ استعمال نہیں کیا۔
یہ عمل واضح طور پر ٹریفک قوانین کی خلاف ورزی ہے، خاص طور پر اس وقت جب کراچی میں ٹریفک پولیس کی جانب سے ہیلمٹ نہ پہننے پر سخت کارروائی جاری ہے، اور روزانہ ہزاروں شہریوں کے چالان کیے جا رہے ہیں۔
اب سوال یہ ہے کہ کیا میئر کراچی مرتضیٰ وہاب خود اس ویڈیو پر کوئی وضاحت پیش کریں گے؟
اور کیا ان کا بھی چالان ہوگا؟
یا پھر ایک بار پھر یہ تاثر مضبوط ہوگا کہ قانون صرف عام شہریوں کے لیے ہے، حکام کے لیے نہیں۔
