اسلام آباد:قتل کے مقدمے میں سزا یافتہ قیدی نے جیل میں بانی چیئرمین پاکستان تحریک انصاف (پی ٹی آئی) عمران خان جیسی سہولیات دینے کی درخواست اسلام آباد ہائی کورٹ میں جمع کرا دی۔
عدالتی ریکارڈ کے مطابق قیدی نے مؤقف اختیار کیا کہ قانون کے تحت تمام قیدیوں کے ساتھ برابری کا سلوک ہونا چاہیے۔
اسلام آباد ہائی کورٹ نے کیس کی فائل چیف جسٹس کو ارسال کرتے ہوئے کہا کہ اگر وہ مناسب سمجھیں تو معاملہ لارجر بینچ کے سامنے مقرر کیا جائے۔
عدالت نے اڈیالہ جیل کے سپرنٹنڈنٹ سمیت دیگر متعلقہ فریقین کو بھی نوٹسز جاری کر دیے ہیں
