وزیرِ جیل خانہ جات سندھ علی حسن زرداری کی خصوصی ہدایات پر خواتین جیل کراچی میں بریسٹ کینسر آگاہی سیمینار کا انعقاد کیا گیا۔ سیمینار کا مقصد خواتین قیدیوں اور جیل اسٹاف کو بریسٹ کینسر سے بچاؤ، احتیاطی تدابیر اور علاج کے حوالے سے آگاہی فراہم کرنا تھا۔
ڈی آئی جی جیل خانہ جات شیبہ شاہ نے کہا کہ وزیر علی حسن زرداری کی قیادت میں محکمہ جیل خانہ جات میں اصلاحی اور فلاحی اقدامات مسلسل جاری ہیں، تاکہ قیدیوں کو بہتر صحت، تعلیم اور بحالی کے مواقع فراہم کیے جا سکیں۔
آئی جی جیل خانہ جات فدا حسین مستوئی کی سربراہی میں صوبے بھر کی جیلوں میں قیدیوں کی فلاح و بہبود، صحت اور تربیتی پروگرام تیزی سے جاری ہیں۔
سیمینار ہِمّل فارماسیوٹیکلز پرائیویٹ لمیٹڈ کے تعاون سے منعقد کیا گیا، جس میں ماہرین نے خواتین قیدیوں کو کینسر کی ابتدائی علامات، بروقت تشخیص اور علاج کی اہمیت سے آگاہ کیا۔
خواتین قیدیوں نے اس سیمینار کو امید کی نئی کرن قرار دیتے ہوئے کہا کہ ایسے اقدامات نہ صرف ان کے شعور میں اضافہ کرتے ہیں بلکہ خود اعتمادی کو بھی مضبوط بناتے ہیں۔
محکمہ جیل خانہ جات سندھ نے ایک بار پھر یہ ثابت کیا ہے کہ انسانی ہمدردی اور قیدیوں کی فلاح و بحالی کے لیے اس کے اقدامات حقیقی اصلاح کی سمت میں اہم پیش رفت ہیں۔
