اداکارہ صبا قمر نے آخرکار اپنے ساتھی اداکار عثمان مختار کے ساتھ آنے والے پراجیکٹ کے بعد سوشل میڈیا پر گردش کرتی شادی کی خبروں پر خاموشی توڑ دی۔ مداحوں نے مذاقاً کہا کہ جو بھی اداکارہ عثمان مختار کے ساتھ کام کرتی ہے، کچھ عرصے بعد شادی کرلیتی ہے — اور اسی "پَیٹرن” نے سوشل میڈیا پر خوب چرچا مچا دیا۔
صبا قمر نے حال ہی میں ایک مارننگ شو میں گفتگو کرتے ہوئے کہا کہ ان کی شادی جب وقت آئے گا تب ضرور ہوگی، اور جو قسمت میں لکھا ہے وہ ہوکر رہے گا۔ انہوں نے مسکراتے ہوئے بتایا کہ ان کی زندگی میں ایک خاص شخص موجود ہے، مگر وہ پاکستانی نہیں۔
اداکارہ نے واضح کیا کہ ان کے نئے پراجیکٹ کا ان کی ذاتی زندگی سے کوئی تعلق نہیں ہے اور سوشل میڈیا پر پھیلنے والی باتیں محض قیاس آرائیاں ہیں۔
دوسری جانب، مداحوں نے سوشل میڈیا پر میمز اور تبصروں کا طوفان برپا کر رکھا ہے، کچھ نے تو “پیشگی مبارکباد” بھی دے ڈالی۔ صبا قمر نے ہمیشہ کی طرح پرسکون انداز میں افواہوں کا جواب دے کر ایک بار پھر ثابت کیا کہ وہ جانتی ہیں کب اور کتنا بولنا ہے۔
