راولپنڈی میں موسم کی خنکی بڑھنے کے ساتھ ہی ڈینگی کے کیسز میں نمایاں کمی دیکھنے میں آئی ہے۔ گزشتہ 24 گھنٹوں کے دوران وفاقی دارالحکومت کے جڑواں شہر راولپنڈی میں صرف 30 نئے ڈینگی مریض رپورٹ ہوئے۔
محکمہ صحت راولپنڈی کے مطابق اس وقت شہر کے مختلف اسپتالوں میں ڈینگی بخار کے 25 مریض زیر علاج ہیں، جبکہ رواں سیزن میں ڈینگی سے کسی بھی ہلاکت کی اطلاع نہیں ملی۔
اعداد و شمار کے مطابق رواں سال اب تک 22 ہزار 81 افراد کا ڈینگی کے شبے میں طبی معائنہ کیا گیا، جن میں سے ایک ہزار 456 مریضوں میں ڈینگی وائرس کی تصدیق ہوئی ہے۔
