نومبر 10، 2025
ویب ڈیسک
ریاض/اسلام آباد: سعودی عرب اور پاکستان کے درمیان حج 2026 کے انتظامات اور سہولیات سے متعلق ایک اہم معاہدے پر دستخط ہو گئے ہیں۔ یہ معاہدہ سعودی عرب کے نائب وزیرِ حج ڈاکٹر عبدالفتاح بن سلیمان اور پاکستان کی وزارتِ مذہبی امور کے سیکریٹری سید عطاالرحمن نے دستخط کیے۔
دستخطی تقریب میں سعودی عرب کے پاکستان میں سفیر نواف بن سعید المالکی، ڈائریکٹر جنرل حج جدہ عبدالوھاب سومرو، ڈائریکٹر حج مکہ عزیزاللہ خان، ڈائریکٹر حج مدینہ ضیاءالرحمن، ڈپٹی سیکریٹری حج پالیسی چوہدری کاشف حسین سمیت متعدد اعلیٰ حکام نے شرکت کی۔
تقریب سے خطاب کرتے ہوئے سیکریٹری مذہبی امور سید عطاالرحمن نے سعودی حکومت کا شکریہ ادا کرتے ہوئے کہا کہ پاکستان کو ہمیشہ حج انتظامات کے حوالے سے بھرپور تعاون اور مہمان نوازی حاصل رہی ہے۔ انہوں نے کہا کہ جس طرح گزشتہ سال پاکستانی حجاج کرام کو معیاری سہولیات فراہم کی گئیں، اسی طرح آئندہ سال بھی بہترین خدمات اور انتظامات یقینی بنائے جائیں گے۔
