کراچی: شہر کے علاقے یونیورسٹی روڈ پر عزیز بھٹی پارک کے قریب ڈاکوؤں کی فائرنگ سے اینٹی انکروچمنٹ فورس کا اے ایس آئی زخمی ہوگیا۔
چھیپا ریسکیو کے مطابق زخمی اہلکار کی شناخت اے ایس آئی نبیل چنڑ کے نام سے ہوئی ہے، جو فائرنگ کے نتیجے میں زخمی ہوا۔ زخمی اہلکار کو فوری طور پر طبی امداد کے لیے نجی اسپتال منتقل کردیا گیا۔
پولیس کے مطابق فائرنگ کرنے والے ملزمان موقع سے فرار ہوگئے، جبکہ واقعے کی تحقیقات شروع کردی گئی ہیں۔
