کراچی — شہر میں رات گئے مختلف مقامات پر پیش آنے والے واقعات میں تین افراد زندگی سے محروم ہوگئے۔
پاک کالونی میں نامعلوم افراد کی فائرنگ سے ایک شخص جاں بحق ہوگیا۔ پولیس کے مطابق حملہ آور کی شناخت اور محرکات تاحال سامنے نہیں آئے۔
لیاری کے علاقے بغدادی میں بھی فائرنگ کا واقعہ پیش آیا جس میں ایک شخص ہلاک اور ایک زخمی ہوا۔ پولیس نے ابتدائی طور پر اس واقعے کو ذاتی دشمنی کا شاخسانہ قرار دیا ہے۔
ادھر قائدآباد میں جھگڑے کے دوران ایک شخص کو قتل کردیا گیا۔ پولیس کے مطابق واقعے کی وجوہات جاننے کے لیے مزید تفتیش جاری ہے۔
