بگ بیش لیگ (بی بی ایل) میں شرکت کے لیے قومی کھلاڑیوں کی آسٹریلیا آمد جاری ہے، اور اب پاکستان کے دو بڑے اسٹار بابر اعظم اور شاہین آفریدی بھی لیگ میں شرکت کے لیے آسٹریلیا پہنچ چکے ہیں۔
بابر اعظم اس سیزن میں سڈنی سکسرز کی نمائندگی کریں گے جبکہ شاہین آفریدی برسبین ہیٹ کے لیے ایکشن میں دکھائی دیں گے۔ اس سے قبل شاداب خان، محمد رضوان اور حسن علی بھی آسٹریلیا پہنچ چکے ہیں۔
آسٹریلیا کی مقبول ترین لیگ بی بی ایل کا آغاز 14 دسمبر سے ہوگا۔
یہ بھی واضح رہے کہ بی بی ایل میں شامل قومی کھلاڑی اگر سری لنکا کے خلاف ٹی ٹوئنٹی سیریز کے لیے منتخب ہوتے ہیں تو انہیں لیگ چھوڑ کر وطن واپس آنا پڑے گا۔
ذرائع کے مطابق پی سی بی نے بی بی ایل کھیلنے والے کھلاڑیوں کو مشروط این او سی جاری کیے ہیں۔
