سعودی عرب کے شمالی علاقوں میں غیر معمولی برفباری، سرد موسم نے سب کو حیران کر دیا
سعودی عرب کے شمالی حصوں میں شدید سردی کے ساتھ غیر معمولی برفباری ریکارڈ کی گئی ہے، جس کے باعث کئی علاقے سفید برف کی چادر میں ڈھک گئے۔ یہ منظر عام طور پر صحرائی ملک سعودی عرب میں کم ہی دیکھنے کو ملتا ہے۔
رپورٹس کے مطابق برفباری کا یہ سلسلہ شمالی علاقوں خصوصاً حائل اور تبوک میں دیکھا گیا، جہاں درجۂ حرارت نقطۂ انجماد کے قریب پہنچ گیا۔ بعض بلند مقامات پر ہلکی سے درمیانی شدت کی برفباری نے سردی کی شدت میں مزید اضافہ کر دیا۔
محکمہ موسمیات کے مطابق یہ صورتحال ایک طاقتور سرد ہواؤں کے نظام کے باعث پیدا ہوئی، جو خطے میں غیر معمولی موسمی تبدیلیوں کا سبب بنا۔ سرد ہوائیں جنوب کی جانب بڑھنے سے بعض علاقوں میں شدید ٹھنڈ اور ژالہ باری بھی رپورٹ ہوئی۔
برفباری کے بعد شہریوں نے انوکھے مناظر کی تصاویر اور ویڈیوز سوشل میڈیا پر شیئر کیں، جو تیزی سے وائرل ہو گئیں۔ کئی افراد نے اسے قدرت کا نایاب نظارہ قرار دیا۔
حکام نے شہریوں کو محتاط رہنے، غیر ضروری سفر سے گریز کرنے اور موسم کی تازہ صورتحال پر نظر رکھنے کی ہدایت کی ہے، جبکہ آئندہ دنوں میں مزید سردی کی پیش گوئی بھی کی گئی
