چنیوٹ میں تھانہ سٹی کی حدود میں معظم شاہ کے علاقے میں دو افراد نے تیز دھار آلے سے حملہ کر کے ایک نوجوان کو قتل کر دیا۔
پولیس کے مطابق مقتول نوجوان کی شناخت اورنگزیب کے نام سے ہوئی، جس کا ملزمان کے ساتھ پرانا تنازعہ چلا آ رہا تھا۔ پولیس کا کہنا ہے کہ نوجوان پر قاتلانہ حملہ ایک میڈیکل اسٹور کے اندر کیا گیا۔
زخمی حالت میں نوجوان کو فوری طور پر ڈی ایچ کیو اسپتال منتقل کیا گیا تاہم وہ زخموں کی تاب نہ لاتے ہوئے دم توڑ گیا۔
پولیس نے ضروری قانونی کارروائی کے لیے لاش کو تحویل میں لے کر واقعے کا مقدمہ درج کر لیا ہے جبکہ مزید تحقیقات کا عمل جاری ہے۔
