اسلام آباد: زرعی یونیورسٹی کی ایک طالبہ کو مبینہ طور پر اس کے کلاس فیلو نے جنسی زیادتی کا نشانہ بنایا، جس پر تھانہ شمس کالونی اسلام آباد میں مقدمہ درج کر لیا گیا ہے۔
ایف آئی آر کے مطابق متاثرہ طالبہ نے مؤقف اختیار کیا کہ ملزم محمد فیضان نے شادی کا جھانسہ دے کر متعدد بار زیادتی کی اور قابل اعتراض تصاویر و ویڈیوز بنا کر بلیک میل کرتا رہا۔
متاثرہ طالبہ کا کہنا ہے کہ ملزم نے تصاویر اور ویڈیوز سوشل میڈیا پر وائرل کرنے کی دھمکیاں دیں جبکہ متعدد مواقع پر اپنے فلیٹ اور گاڑی میں بھی زیادتی کا نشانہ بنایا۔
پولیس نے مقدمہ درج کر کے ملزم کو گرفتار کر لیا ہے، جبکہ واقعے کی مزید تفتیش جاری ہے
