اسلام آباد: وزیرِ خزانہ کے مشیر خرم شہزاد نے کہا ہے کہ پاکستان میں پہلی بار کرپٹو کرنسی کو باضابطہ معیشت کا حصہ بنایا جا رہا ہے۔
آئی ٹی سی این ایشیا میں فِن ٹیک فورم سے خطاب کرتے ہوئے انہوں نے بتایا کہ پاکستان ورچوئل اثاثہ جات ریگولیٹری اتھارٹی (PVARA) کے ذریعے کرپٹو کو ریگولیٹ کیا جائے گا، جبکہ ٹیکس مراعات پر بھی غور جاری ہے۔
انہوں نے کہا کہ “ڈیجیٹل نیشن پاکستان 2025” کے تحت 99 فیصد سرکاری فائلیں ای آفس سسٹم کے ذریعے منتقل ہو رہی ہیں۔ حکومت کا ہدف 120 ملین بینک اکاؤنٹس اور مکمل ڈیجیٹل حکومتی نظام ہے۔
