فاطمہ جناح میڈیکل یونیورسٹی کی 22 سالہ طالبہ مبینہ خودکشی کی کوشش کے بعد منگل کی شب انتقال کر گئیں، پولیس نے تصدیق کی ہے۔
ایس پی سول لائنز چوہدری آذر علی کے مطابق فریحہ نامی طالبہ کو تشویشناک حالت میں اسپتال منتقل کیا گیا تھا جہاں وہ دورانِ علاج زخموں کی تاب نہ لاتے ہوئے دم توڑ گئیں۔
پولیس کے مطابق ضابطے کی کارروائی کے لیے لاش مردہ خانے منتقل کر دی گئی ہے جبکہ جائے وقوعہ سے حاصل شواہد کی روشنی میں مختلف پہلوؤں پر تحقیقات جاری ہیں۔
حکام کا کہنا ہے کہ مکمل تحقیقات کے بعد واقعے کی اصل وجوہات سامنے آئیں گی۔
