سرکاری میڈیکل کالجز و ٹیچنگ اسپتالوں کے ہاسٹلز پر قبضوں کا انکشاف ہوا ہے۔
غیر متعلقہ ڈاکٹرز اور افراد کو ٹیچنگ اسپتالوں و کالجز کے ہاسٹلز سے نکالنے کا حکم دیا گیا۔ زیر تربیت پوسٹ گریجوایٹ ڈاکٹرز ،ہاؤس آفیسرز کیلئے ہاسٹل میں رہائش نہ ملنا سنگین مسئلہ بن گیا ہے۔ عرصہ دراز سے غیر متعلقہ افراد ہاسٹلز کے کمروں پر قابض ہیں۔
محکمہ اسپیشلائزڈ ہیلتھ نے وائس چانسلرز ، پرنسپلز اور ایم ایس صاحبان کو مراسلہ ارسال کردیا۔ صوبائی محتسب کے نوٹس لینے پر محکمہ اسپیشلائزڈ ہیلتھ بھی متحرک ہوگیا۔
محکمہ اسپیشلائزڈ ہیلتھ کا کہنا ہے کہ ہاسٹلز سے غیر متعلقہ افراد فوری نکالے جائیں ،ہاسٹلز کا غیر قانونی قبضہ فوری ختم کرکے حق داروں کو رہائش دی جائے۔
