اسپیشلائزڈ ہیلتھ اور صحت و آبادی کے سیکریٹریٹ میں سائلین کا داخلہ بند کر دیا گیا ہے، جس سے وزٹرز میں شدید پریشانی پیدا ہو گئی ہے۔
دونوں محکموں کے دفاتر میں اب کوئی فریادی داخل نہیں ہو سکتا جبکہ سکیورٹی اہلکار اس بات کو یقینی بنا رہے ہیں۔
مزید برآں، صحت کے دونوں محکموں کے افسران بھی اخراجات میں کمی کے نام پر دفاتر میں موجود نہیں ہیں، جس کی وجہ سے وزٹرز کو اپنی شکایات اور مسائل کے حل کے لیے بہت مشکلات کا سامنا کرنا پڑ رہا ہے۔
واضح رہے کہ چند ماہ قبل محکمہ اسپیشلائزڈ ہیلتھ کو شہر کے 5چھوٹے ٹیچنگ ہسپتال چلانے میں مشکلات کا سامنا کرنا پڑرہا تھا۔
پانچ چھوٹے ٹیچنگ اسپتال کو محکمہ صحت و بہبود آبادی کے حوالے کرنےپرغور کیا جانے لگا۔ گورنمنٹ سیدمٹھا اسپتال، نواز شریف اسپتال یکی گیٹ، میاں منشی اسپتال، کوٹ خواجہ سعید اسپتال اور شاہدرہ ٹیچنگ اسپتال شامل ہیں۔
پانچوں اسپتالوں کو دوبارہ محکمہ صحت کے سپرد کرکے بطور ڈی ایچ کیو ہسپتال چلائے جانے کا فیصلہ طے پایا۔
