سرکاری ٹیچنگ اسپتالوں میں موبائل فون کے استعمال پر پابندی پر عمل نہ ہوسکا۔
محکمہ اسپیشلائزڈ ہیلتھ کے احکامات پر ٹیچنگ اسپتال عمل درآمدنہ کروا سکے۔ سرکاری اسپتالوں میں موبائل فون استعمال پر پابندی لگائی گئی تھی۔
آپریشن تھیٹرز، آئی سی یو، سی سی یو، ایمرجنسی میں موبائل فون کا استعمال مکمل بند کیا گیا۔ موبائل فون کی جگہ متبادل لینڈ لائن فون کی سہولت بھی فراہم نہ کی جاسکی۔
طبی عملے کا کہنا ہے کہ موبائل فون کا استعمال ناگزیر ہے بند نہیں ہوسکتا، مریضوں کی رپورٹس اسکین تک موبائل سے سینئرز سے ڈسکس کرنا ہوتے ہیں۔
