کویت سٹی — کویت کی وزارتِ داخلہ نے جہرا میں ایک میڈیکل کلینک کے باہر سے شہری کی کار چوری کرنے والے ایک بدنام زمانہ چور کو گرفتار کر لیا ہے۔ وزارتِ داخلہ کے مطابق، یہ کارروائی اس وقت عمل میں لائی گئی جب کار کے مالک نے شکایت درج کروائی کہ ایک نامعلوم شخص اس کی گاڑی لے کر فرار ہو گیا ہے، جسے اس نے مختصر وقت کے لیے اسٹارٹ حالت میں ہی باہر چھوڑ دیا تھا۔ جہرا گورنریٹ کے کرمنل انویسٹی گیشن ڈیپارٹمنٹ کے سراغ رساں افسران نے فوری طور پر سرچ آپریشن شروع کیا اور سی سی ٹی وی کیمروں کی مدد سے ملزم کی نقل و حرکت کا سراغ لگایا۔
تحقیقات کے بعد پولیس نے کامیابی سے ملزم کو گرفتار کر کے چوری شدہ گاڑی اس کے قبضے سے برآمد کر لی۔ مزید تفتیش سے معلوم ہوا کہ گرفتار ملزم کار چوری کی متعدد وارداتوں میں پہلے بھی ملوث رہا ہے اور ایک عادی مجرم ہے۔ اس واقعے کے بعد وزارتِ داخلہ نے تمام ڈرائیوروں کو سختی سے ہدایت کی ہے کہ وہ اپنی گاڑیاں، خواہ چند لمحوں کے لیے ہی کیوں نہ ہو، اسٹارٹ حالت میں اکیلی نہ چھوڑیں کیونکہ ایسی غفلت چوروں کو آسانی سے موقع فراہم کرتی ہے۔
