ڈونلڈ ٹرمپ: ایران سے ڈیل کے بہت قریب پہنچ چکے ہیں

دوحہ: امریکی صدر ڈونلڈ ٹرمپ نے قطر کے دورے کے دوران اعلان کیا ہے کہ امریکہ ایران کے ساتھ ایک ممکنہ معاہدے کے بہت قریب آ چکا ہے۔
انہوں نے کہا کہ، "میں سمجھتا ہوں ہم ایران کے ساتھ ڈیل کرنے کے بہت قریب آگئے ہیں۔”
مزید برآں، ٹرمپ نے روس اور یوکرین کے تنازعے پر بات کرتے ہوئے کہا کہ دونوں ممالک کے درمیان مذاکرات جلد ممکن ہو سکتے ہیں۔ انہوں نے عندیہ دیا کہ اگر حالات سازگار ہوئے تو وہ جمعہ کے روز ترکی میں ہونے والے روس-یوکرین مذاکرات میں شرکت کر سکتے ہیں۔

ٹرمپ نے اپنے بیان میں یہ بھی کہا کہ بھارت نے امریکہ کو زیرو ٹیرف ڈیل کی پیشکش کی ہے۔
اس کے علاوہ، انہوں نے خلیجی ممالک کے دورے کو تاریخی قرار دیتے ہوئے کہا کہ اس دوران 4 سے 5 روز میں ساڑھے 3 سے 4 کھرب ڈالر کی ڈیلز ممکن ہیں۔