پاکستان پیپلز پارٹی (پی پی پی) کے چیئرمین اور سابق وزیر خارجہ بلاول بھٹو زرداری نے کہا ہے کہ اگر عدالت پاکستان تحریک انصاف (پی ٹی آئی) کے بانی عمران خان کو ضمانت پر رہا کرتی ہے تو انہیں اور ان کی جماعت کو اس پر کوئی اعتراض نہیں ہوگا۔
برطانوی نشریاتی ادارے اسکائی نیوز کو دیے گئے انٹرویو میں بلاول نے کہا،
"ضمانت ہر شہری کا قانونی حق ہے۔ اگر عدالت عمران خان کو ضمانت دیتی ہے تو ہم اس کی مخالفت نہیں کریں گے، نہ میں اور نہ ہی میری پارٹی۔”
انہوں نے مزید کہا کہ ہر مقدمے کو عدالتی عمل کے مطابق ہی طے ہونا چاہیے، اور یہ معاملہ بھی اسی قانونی طریقہ کار کا حصہ ہے۔
