7 جولائی 2025،
کراچی:
شہر قائد کے مختلف علاقوں میں آج صبح اور رات کے اوقات میں ہلکی بوندا باندی کی توقع ہے۔
محکمہ موسمیات کے مطابق کراچی میں مطلع زیادہ تر ابر آلود رہے گا اور آئندہ چند روز تک موسم اسی طرح رہنے کا امکان ہے۔ تاہم اس دوران شہر میں کہیں بھی موسلا دھار بارش کی کوئی پیشگوئی نہیں کی گئی۔
محکمہ موسمیات نے واضح طور پر کہا ہے کہ آج رات کراچی کے مختلف علاقوں میں ہلکی بارش متوقع ہے۔
حکام کا مزید کہنا ہے کہ کم از کم 15 جولائی تک شہر میں شدید بارش کے کوئی امکانات نہیں ہیں۔
کراچی میں زیادہ سے زیادہ درجہ حرارت 33 سے 35 ڈگری سینٹی گریڈ کے درمیان رہنے کی توقع ہے جبکہ ہوا میں نمی کا تناسب اس وقت 82 فیصد ریکارڈ کیا گیا ہے۔
محکمہ موسمیات کے مطابق سمندری ہوائیں 10 کلومیٹر فی گھنٹہ کی رفتار سے چل رہی ہیں، جو گرمی کی شدت میں کسی حد تک کمی کا باعث بن رہی ہیں۔
گزشتہ 24 گھنٹوں کے دوران شہر میں کم سے کم درجہ حرارت 28 ڈگری سینٹی گریڈریکارڈ کیا گیا۔
