دنیا کے مشہور فیشن برانڈ لوئی وٹوں نے حال ہی میں ایک منفرد ڈیزائن کا بیگ متعارف کرایا ہے جو ظاہری طور پر آٹو رکشہ سے مشابہت رکھتا ہے۔ اس بیگ کی قیمت تقریباً 35 لاکھ روپے رکھی گئی ہے، جس پر سوشل میڈیا صارفین کی جانب سے حیرت اور مزاح کا اظہار کیا جا رہا ہے۔
بیگ کی تصاویر جیسے ہی آن لائن آئیں، صارفین نے مزاحیہ انداز میں تبصرے شروع کر دیے۔ ایک صارف نے لکھا، "اتنی رقم میں تو 15 اصلی رکشے آ جاتے!”
یہ بیگ لوئی وٹوں کی ایک خصوصی کلیکشن کا حصہ ہے جسے فن اور فیشن کے امتزاج کے طور پر پیش کیا گیا ہے، تاہم عوام کی آراء اس پر منقسم نظر آتی ہیں۔ کچھ افراد نے اسے جدت قرار دیا جبکہ دیگر نے قیمت کو غیر حقیقی قرار دے کر تنقید کی۔
بیگ کی انفرادیت نے فیشن دنیا میں ایک بار پھر یہ بحث چھیڑ دی ہے کہ تخلیقی ڈیزائن اور قیمت کے درمیان توازن کہاں ہونا چاہیے۔
