کراچی: پیر کے روز کراچی میں موسلا دھار بارشوں کے باعث مختلف حادثات میں کم از کم سات افراد جاں بحق ہوگئے، جن میں دیواریں گرنے اور کرنٹ لگنے کے واقعات شامل ہیں۔ شدید بارشوں نے شہر کی بڑی شاہراہوں کو جھیل کا منظر دے دیا جبکہ 800 فیڈرز ٹرپ ہونے سے شہر کا تقریباً 40 فیصد حصہ تاریکی میں ڈوب گیا۔
گلستانِ جوہر میں مکان کی دیوار گرنے سے ایک خاتون اپنے دو بچوں سمیت جاں بحق ہوگئیں جبکہ ایک اور شخص بھی حادثے کا شکار ہوا۔ اورنگی ٹاؤن میں آٹھ سالہ بچہ دیوار گرنے کے باعث ملبے تلے دب کر زندگی کی بازی ہار گیا۔ نارتھ کراچی اور ڈی ایچ اے خیابانِ بخاری میں دو افراد کرنٹ لگنے سے ہلاک ہوئے۔
بارش کے باعث ٹریفک کا نظام درہم برہم ہوگیا، اہم شاہراہوں پر گاڑیاں پانی میں بند ہونے سے شہری گھنٹوں پھنسے رہے۔ شاہراہِ فیصل، صدر، لانڈھی اور گلشنِ حدید سمیت کئی علاقوں میں گھروں میں پانی داخل ہوگیا۔
گورنر سندھ کامران ٹیسوری نے بارش سے متاثرہ علاقوں کا دورہ کیا، شہریوں کی مدد کی اور گورنر ہاؤس میں ہنگامی سیل قائم کرنے کا اعلان کیا جو 24 گھنٹے فعال رہے گا۔ محکمہ موسمیات نے آئندہ تین سے چار روز تک مزید بارشوں کی
